Bondie !

Nepōte / nēpto = le filio de mi infantes o le filio de mi soror / fratre

Nēpta = le filia de mi infantes o le filia de mi soror / fratre

Comme on pote evitar confusion ?

In italiano "nepōte" pode significar le duo cosas.

In Espaniol e Portugese, solmente "le filios de mi infantes"

Parte de un solution serea usar le parola "granfilio".

Totevia, isto non solve le problema que quando io incontra le parola "nepōte" / "nēpto", io non sape immediatemente lo que illo significa.

Un solution minus elegante es facer un torno de linguage e dicer "le filio de mi fratre" . Isto functiona in alcun casos ("Hodie io visitava le filio de mi fratre"), mais non in alteres ubi on debe esser plus specific e concise, como in recercas scientific ("Un recerca sur le relation del avūnculos con le filios de lor fratres e sorores")

Un altere solution emergential poterea esser usar le parola iberic (potential) "sobrīno", que ja existe occulte in le parola "cosino" (del latino "co-sobrīnus"), exceptionalmente eludente le "Regula de Tres".

Como vos face in vostre in practica pro evitar iste ambiguitate ?

Salutationes cordial.

Errata: "Granfilio", non "grandfilio"